CAFSD
CASAT
CAS
CBEA
CCIS
COE
CHS
CIT
CTE
COM
CVM
Graduate School<B><P align=left><FONT face=Verdana size=5>CENTER FOR ILOKANO-AMIANAN STUDIES (CIAS)</FONT></P><P align=left><FONT face=Verdana size=5>SENTRO TI ILUKO KEN KULTURA TI AMIANAN (SIKA)</FONT></P>
SIRMATA (VISION)
Nabiag a salinong dagiti talento, aramid ken gannuat a naisangrat tapno mabigbig ken maiparangarang ti kinaasino ni Ilokano ken dagiti taga-Amianan iti pagilian ken iti lubong.
MISION (MISSION)
Saluadan, pasantaken ken padur-asen ti pakasaritaan, kultura ken lengguahe ni Ilokano ken taga-Amianan tapno maguyugoy ti adu a mangipateg, mangipannakkel ken mangitandudo iti pannakataginayon pay daytoy.
GANDAT (GOALS)
• Mataginayon dagiti nariingan nga ugali, galad, kannawidan ken sinurat ni Ilokano ken dagiti taga-Amianan;
• Mapasantak ken mapabileg ti Kultura-Ilokana gapu iti umad-adu nga ammo maipanggep ken ni Ilokano ken dagiti taga-Amianan ken dagiti naaramidanna;
• Maisapasap ti pannakaammo iti pakasaritaan ni Ilokano ken dagiti taga-Amianan ken ti akemna iti historia ti pagilian; ken
• Matagiben dagiti nabileg ken umno a bokabulario gapu iti agtultuloy a panagpartuat dagiti ad-adu pay a mannurat ken iti opisyal a pannakaaramat ken pannakaisuroda iti uneg ti pagadalan.
PANGGEP (OBJECTIVES)
• Ummungen dagiti libro, magasin ken dadduma pay a sinurat ni Ilokano babaen ti panaggatang ken donasion;
• Angayen dagiti lektiur ken salip iti panagsurat iti amin a porma ti literatura Ilokana;
• Buangayen dagiti pammadayaw ken premio para kadagiti mangabak iti salsalip;
• Buklen ti gunglo dagiti mannurat nga Ilokano iti Unibersidad (GUMIL-MMSU);
• Ituding ti Septiembre 11 ti tunggal tawen a kas Aldaw ni Ilokano iti Unibersidad;
• Agsukimat maipanggep iti pannakaaramat ti Lengguahe Iluko iti panagisuro kadagiti asignatura iti uneg ti pagadalan;
• Agilibro kadagiti partuat ken sukisok dagiti mannursuro ken adalan tapno mapaadu ti reperensia iti panagadal, panagisuro ken panagsukisok;
• Mangawis iti propesor manipud kadagiti mabigbigbig nga unibersidad iti ballasiw-taaw tapno tumulong a mang tun-oy iti sirmata ti Sentro;
• Irusuat ti pannakaisuro ti maysa nga asignatura maipanggep iti lengguahe, literatura ken kultura ni Ilokano ken taga-Amianan iti kolehio; ken
• Makikappeng ken makikinnamayyet kadagiti institusion/grupo a kapada iti sirmata, mision, gandat ken panggep.
Gallery
_91c2e13bde54cafe009c166f9aa4199f.jpg)
Dear Valued Client,
We will be introducing our newly upgraded website on October 31, 2024 – offering faster access, improved navigation, and enriched content for students, faculty, partners, and stakeholders. Experience how we cultivate minds and transform futures at MMSU.